Sosial şəbəkələrdə yayılan bir görüntü məktəblərdə vahid geyim formasının önəmini və üstünlüyünü bir daha əyani formada nümayiş etdirib və böyük dəstək qazanıb.
Görüntülər Şəki şəhər 5 nömrəli tam orta ümumtəhsil məktəbində çəkilib.
Təhsil ocağının şagirdləri vahid məktəbli formasında birgə idman hərəkətləri yerinə yetiriblər.

Bildirilib ki, təşəbbüs şagirdlər arasında sağlam həyat tərzinin təşviqinə, fiziki fəallığın artırılmasına, həmçinin nizam-intizam və birlik ruhunun gücləndirilməsinə xidmət edir.

Məktəbdə vahid forma və səhər idmanının şagirdlərin gündəlik həyatında məsuliyyət, fəallıq və kollektivlik hissinin formalaşmasına müsbət təsir etdiyi qeyd olunub.