Xəbər verdiyimiz kimi, ötən həftə yağan intensiv yağışlar Bakı və Abşeron yarmadasında, eləcə də repsublikanın digər ərazilərində bir sıra çətinliklər yaradıb.

Normadan artıq yağışlar yağması subasmalara və kanalizasiya sistemlərinin işində ciddi problemlərə yol açıb.

Artıq 3 gündür yağıntının dayanmasına baxmayaraq yağışın fəsadları hələ də tam şəkildə aradan qaldırılmayıb.

Yaranmış vəziyyət həmçinin Bakıda və Abşeron yarmadasında kanaliziya sularının daşaraq küçələrinə axmasına səbəb olub. İnsanlar kanalizasiyalardan hələ də sızan çirkab sularının yaratdığı natəmizlik və qoxudan şikayət edirlər.

Ölkə.Az bununla bağlı Azərbaycan Dövlət Su Ehtiyyatları Agentliyinə Sorğu ünvanlayıb. Qurumun İri Şəhərlərin Birləşmiş Su Təchizatı Xidmətinin mətbuat katibi Ceyhun Musaoğlu sorğumuza cavab olaraq hazırda bir sıra ərazilərdə iş aparıldığını söyləyib:

“Normadan 6 dəfədən çox yağam intensiv və fasiləsiz yağışların nəticəsində bəzi ərazilərdə tullantı su kollektorlarının dolaraq daşması ilə bağlı yaranan fəsadlar müvafiq sukanal idarələri tərəfindən aradan qaldırılır, bu istiqamətdə vacib bütün tədbirlər icra olunur”.