Peyman Sadıqov: “Jurnalistin məhkəməyə verilməsi söz azadlığını məhdudlaşdırır”
Tanınmış jurnalist Peyman Sadıqov Realazerbaycan.az xəbər portalının qurucusu Dəyanət Babayevin müdafiəsinə qalxıb. O, məsələ ilə bağlı açıqlamasında bildirib ki, jurnalistin xüsusi ittiham qaydasında məhkəməyə verilməsi və hakimin iddianı icraata götürməsi mediaya qarşı təzyiq kimi qiymətləndirilməlidir.
Peyman Sadıqov qeyd edib ki, cəmiyyəti maraqlandıran məsələləri gündəmə gətirən jurnalistlərin məhkəmə yolu ilə susdurulmasına cəhd göstərilməsi söz və mətbuat azadlığına mənfi təsir edir:
“Haqqı və həqiqəti ictimaiyyətə çatdırmağa çalışan media nümayəndəsinin məhkəmə təzyiqi ilə üz-üzə qalması qəbuledilməzdir. Bu cür addımlar jurnalistlərin fəaliyyətinə mane olmaq və onların səsini boğmaq məqsədi daşıyır”, — deyə o vurğulayıb.
O həmçinin əlavə edib ki, media azadlığı demokratik cəmiyyətin əsas prinsiplərindən biridir və jurnalistlərin sərbəst fəaliyyəti qorunmalıdır.
