Ağcabədidə Vətən müharibəsi qaziləri ilə görüşlər davam edir
gundem / bolge
7-10-2021, 01:12
Oktyabrın 6-da Vətən müharibəsinin ildönümü münasibətilə YAP Ağcabədi rayon təşkilatının sədri Rövşən Əhmədovun rəhbərliyi altında, sözügedən qurumun əməkdaşları, media mənsubları II Qarabağ savaşının qəhrəmanı, qazi Samir Mamedovun ailəsini ziyarət ediblər. Samir Mamedov Vətən müharibəsi günlərində Füzuli, Cəbrayıl, Xocavənd rayonlarının erməni işğalından azad olunması uğrunda gedən qanlı döyüşlərdə igidliklə vuruşub, mənfur düşmənə sarsıdıcı zərbələr vurub. Qorxubilməz el oğlumuz Xocavənd rayonunun Hadrut qəsəbəsinin azad olunması uğrunda gedən döyüşlərdə mərdlik nümayiş etdirib, lakin həmin ərazidə döyüşlərin birində ağır yaralanıb. Qazi S.Mamedov göstərdiyi qəhrəmanlıqlara görə döyüş medalları ilə təltif olunub. Qarabağ döyüşçüsünə baş çəkən YAP rayon təşkilatının sədri Rövşən Əhmədov tədbir zamanı çıxış edərək, Vətən müharibəsində rayonumuzdan olan igid döyüşçülərin qəhrəmanlığından geniş söhbət açıb. Samirin adını xüsusi olaraq vurğulayıb. Onun ünvanına səmimi ürək sözlərini bildirib. Qazi Samir Mamedov onu və ailələrini ziyarət etdikləri üçün YAP Ağcabədi rauon təşkilatının əməkdaşlarına təşəkkür etmiş, eyni zamanda ağır yaralandıqdan sonra Dövlət tərəfindən müalicəsinin təşkil edildiyi, bu yaxınlarda isə ona II qrup əlillik dərəcəsi verildiyini, hazırda isə mütəmadi olaraq müalicəsinin davam etdirildiyini bildirmişdir. Sonda qazinin valideynləri ziyarət iştirakçılarına göstərdikləri diqqət və qayğıya görə öz dərin təşəkkür, minnətdarlıqlarını bildiriblər.