"Mossad" xüsusi xidmət organının yeni rəhbəri Roman Qofman İranda rejim dəyişikliyi planının boşa çıxması səbəbindən qurumun iki yüksəkçinli məmurunu tutduğu vəzifədən kənarlaşdırıb.
Bu barədə İsrailin "Channel 12" televiziya kanalı məlumat yayıb.

Söhbət ötən ilin dekabrında təyin olunmuş "Mossad" rəhbərinin müavini və agentliyin İran şöbəsinin rəisindən gedir.

Məlumata görə, hər iki yüksək rütbəli rəsmi İrandakı etnik azlıqların dəstəyi ilə İslam Respublikasının mövcud rəhbərliyini devirmək və ölkədə yeni hökumət formalaşdırmaq məqsədi daşıyan əməliyyat planının hazırlanmasında birbaşa iştirak edib.

Hazırlanan planın ABŞ Prezidenti Donald Trampa təqdim olunduğu, lakin müəyyən səbəblərdən reallaşmadığı bildirilir. İddialara əsasən, hətta hərbi əməliyyatlar başlamazdan əvvəl amerikalı rəsmilər Trampa xəbərdarlıq ediblər ki, İsrailin İranda hakimiyyət dəyişikliyi ilə bağlı ehtimalları real görünmür.

Təhlükəsizlik mənbələri kanala açıqlamasında Roman Qofman ilə həmin iki zabit arasında artıq bir müddətdir fikir ayrılıqlarının olduğunu təsdiqləyiblər. Bununla belə, vurğulanıb ki, bu kənarlaşdırmalar "Mossad"da həyata keçirilən genişmiqyaslı struktur islahatlarının bir hissəsidir və qarşılıqlı razılıq əsasında baş tutub. Vəzifəsindən azad edilən şəxslər agentlik daxilində başqa postlarda fəaliyyətlərini davam etdirəcəklər.