2026-cı ilin may ayı üçün qeyri-iş günləri məlum olub. Təqvimə əsasən, ay ərzində həm həftə sonları, həm də rəsmi bayramlarla əlaqədar bir sıra istirahət günləri nəzərdə tutulub.

5 günlük iş rejimi ilə çalışanlar üçün 2, 16, 23 və 30 may tarixləri şənbə günlərinə təsadüf etdiyindən qeyri-iş günüdür. Bazar günləri olan 3, 10, 17, 24 və 31 may tarixləri də ənənəvi olaraq istirahət günləridir.

9 may - faşizm üzərində Qələbə Günü ilə əlaqədar qeyri-iş günü hesab olunur. Bu tarix şənbə gününə düşdüyündən 11 may əlavə istirahət günü kimi müəyyən edilib.

Mayın sonunda isə ardıcıl bayram günləri qeyd olunacaq. 27 may Qurban bayramı, 28 may isə həm Müstəqillik Günü, həm də Qurban bayramına təsadüf edir. Bununla əlaqədar olaraq, 29 may qeyri-iş günü kimi müəyyən edilib və iş günü dəyişdirilib.

Qeyd edək ki, ümumtəhsil məktəblərində məktəbəhazırlıq qrupları və ibtidai siniflər üçün yaz tətili 1-5 may tarixlərini əhatə edəcək./milli.az/