Beyləqanda sahibkarın qanunsuz tikintisinin qarşısı niyə alınmır? - FOTOLAR
Beyləqan rayon 1-ci Şahsevən kəndinin ərazisi olan Daşburun kruqunda yerləşən marketin ərazisi qanunsuz olaraq 30 kvadrat metrdən çox artırılıb.
Patriot.az xəbər verir ki, qanunsuz tikinti Horadis-Hacıqabul yolunun üstündə, Beyləqan rayon 1-ci Şahsevən kəndinin ərazisi olan Daşburun kruqunda yerləşir. Tikintini marketi alan sahibkar Kərimov Elmir Oktay oğlu həyata keçirib. Məlumata görə Elmir Kərimov qanunsuz tikintisinə don geyindirmək üçün marketin keçmiş sahibi olan qazini qabağa verib.
Bildirək ki, marketin arxa hissəsi 80 kvadrat artırılıb və bu artırmanın yarı hissəsi qanunsuzdur. Patriot.az-a daxil olan məlumata görə Beyləqan icra hakimiyyəti və Dövlət Əmlak Xidmətinin Regional idarəsi qanunsuz tikinti ilə bağlı Elmir Kərimova məktub göndərib. Ancaq sahibkar Elmir Kərimov qazini qabağa verməklə bərabər, həmdə vətəndaşlar içində açıq şəkildə deyir ki, lazımolan yerlərlə və hüquq mühafizə orqanları ilə anlaşmışam. Görünür qazini önə verməklə qanunsuzluğunu ört-basdır edə bilməyən Elmir Kərimov hansısa vasitələrlə aidiyyatı qurumlarla anlaşa bilib.
Qeyd edək ki, tikinti işlərinin aparılması prosedurları və qaydaları, tikinti normativləri Şəhərsalma və Tikinti Məcəlləsi ilə tənzimlənir. Ancaq sahibkar Kərimov Elmir tikinti normativləri Şəhərsalma və Tikinti Məcəlləsini heç sayaraq, aidiyayyatı qurumlardan icazə almayaraq, gizli şəkildə qanunsuz olaraq aldığı marketin arxa hissəsini artırıb.
Mövzuya qayıdacağıq.
