Avropa İttifaqı (Aİ) Qəzza zolağında və ya Fələstinin digər bölgəsində BMT tərəfindən tanınan sərhədlərdə hər hansı dəyişikliyi tanımır.

Bu barədə Avropa İttifaqı Şurasının Prezidenti Antonio Koşta Misirdə Ərəb Dövlətləri Liqasının (ƏDL) növbədənkənar sammitinin açılışında bildirib.

Koşta bütün tərəfləri atəşkəs rejiminə əməl etməyə və Fələstinə humanitar yardım çatdırmaq imkanını təmin etməyə çağırıb.

O, Aİ-nin Qəzzada idarəçiliyin bərpasına dəstəkdə əsas rol oynayacağına və həmçinin regionda uzunmüddətli sülhün əldə edilməsinə yönəlmiş istənilən diplomatik səyləri dəstəkləyəcəyinə söz verib.