Yeyinti Sənayesini bitirən Fuad Hacıyevin İdman Akademiyasında macəraları - Video
Fuad Hacıyevin milyonluq villası və avtomobili üzə çıxıb. Həmçinin rektorun Xətai rayonunda yaşadığı mülkün yaxınlığında daha bir villa alıb...
Dövlət Bədən Tərbiyəsi və İdman Akademiyasında təhsilin hansı səviyyədə olduğunu deməyə gərək yoxdur. Daha çox idmançı deyil, qoçu hazırlayan təhsil ocağı kimi ad çıxarmış Akademiyanın indiki rektoru - Odessa Yeyinti Sənayesi Texnologiyası İnstitutunu bitirən Fuad Hacıyev bir müddət Gömrük Komitəsində çalışıb.
Poliqon xəbər verir ki, bu barədə "Alfa tv" Youtebe kanalında məlumat yayılıb.
Kanal qeyd edir ki, idmana heç bir dəxli olmayan şəxsin İdman Akademiyasına rəhbərlik etməsi əsl komediya mövzusudur. Amma cənab Hacıyev rektor kimi özünün diplomla təsdiq olunan ixtisasını, yəni yeyinti işini uğurla həyata keçirir. Məsələn, Akademiyadakı Heydər Əliyev muzeyinin fəaliyyətinə xitam verən bu adam yeməkxananın təmir edilməsi üçün 3 dəfə ard-arda pul ayrıb və balaca bir yeməkxananın təmiri üçün 340 min manat sərf edilib.
Digər müəmmalı məqam Akademiyada təhsil alan tələbələrin adına külli miqdarda vergi borcu gəlməsidir. Rektor gömrük komitəsindən dostluğu olan ATEF-in direktoru Talıb Əlixanbəyovla birgə qanunsuz mis alverinə qoşulub. Nəticədə akademiyanın 20-dən artıq tələbəsini saxta mis alverinə qoşublar və sonradan həmin tələbələrin adına külli miqdarda, 1 milyon 200 mindən artıq vergi borcu gəlib.
Bu arada rektor Fuad Hacıyevin milyonluq villası və avtomobili üzə çıxıb. Həmçinin Xətai rayonunda yaşadığı mülkün yaxınlığında daha bir villa alıb. Bu mülkün qiyməti 1 milyon manat dəyərindədir. Bununla yanaşı, F.Hacıyevin yarım milyona aldığı 10 CN 394 dövlət nömrə nişanlı son model “Renc Rover”i həyat yoldaşı İbrahimova Cəmilə Məmmədəli qızının adına rəsmiləşdirib.
