““Barış pınarı” əməliyyatının sona çatdığı və Türkiyənin keçirdiyi əməliyyatla təhlükəsizlik zonasının yaradılması hədəfinə çatdığı” istiqamətində xəbər və şərhlər yayımlanmaqdadır.

Avropa.info xəbər verir ki, bu iddiaların həqiqətə uyğun olmadığı Türkiyə Milli Təhlükəsizlik Şurasının (MGK) dünən keçirilən iclasının ardından yaydığı bəyanatda vurğulanıb.

Milli Təhlükəsizlik Şurasının yaydığı bəyanatda qeyd edilib ki, Suriyada təhlükəsizlik zonasının yaradılması məqsədilə razılaşmaların imzalandığı ölkələrdən Tel Rifat və Mənbic bölgələri də daxil olmaqla başlatdıqları anti-terror fəaliyyətlərini tez bir zamanda sona çatdırmaları gözlənilir.

Bəyanatda eyni zamanda milli birlik, bərabərlik ve Türkiyənin gələcəyini təhdid edən PKK/PYD-YPG, FETÖ və İŞİD olmaqla bütün terror təşkilatlarına qarşı ölkə daxilində və xaricində əzmlə və qətiyyətlə davam etdirilən mübarizə haqqında quruma məlumat verildiyi və müvəffəqiyyətlə icra edilən əməliyyatların ətraflı şəkildə müzakirə edildiyi bildirilib:

“Bölgədə sülhün və sabitliyin bərqərar olması prosesinə töhfə verən əməliyyatın hədəfinə çatana qədər davam etdiriləcəyi və mülki şəxslərin zərər görməməsi üçün lazımi tədbirlərin görüldüyü vurğulanıb. Beynəlxalq ictimaiyyət suriyalı qardaşlarımızın könüllü və etibarlı bir şəkildə dini və etnik ayrı seçkiliyə məruz qalmadan evlərinə və torpaqlarına dönərək tezliklə dinclik və əmin-amanlığa qovuşmalarını qarşısına məqsəd qoyan Türkiyəni dəstəkləməyə dəvət edilib”.