ABŞ-İrana müharibəsinin altı ayından sonra Tehran Vaşinqtonun görünməmiş iqtisadi təzyiqi ilə üzləşir.
Reuters xəbər verir ki, bu, İranı ABŞ-ın hərbi cəhətdən əldə edə bilmədiyi güzəştlərə getməyə məcbur edə bilər.

İran və regional mənbələrə görə, illərdir davam edən sanksiyalardan sonra İran ən ağır təzyiq dövrlərindən biri ilə üzləşir. Hazırda ABŞ-ın dəniz blokadası və sərtləşdirilən sanksiyaları neft ixracını məhdudlaşdırır, xarici valyutaya çıxışı əngəlləyir və artan iqtisadi gərginliyi tətikləyir.

Agentlik bildirir ki, kampaniya Amerika və regional rəsmilərin iqtisadi təzyiqin Tehranı Hörmüz boğazından sərbəst keçid açmağa məcbur edə biləcəyinə inamı artırı. Hesab olunur ki, İran vurduğundan daha çox iqtisadi ziyan çəkir.

Belə ki, neft ixracını dayandırmaq cəhdləri Tehran hakimiyyətinin gəlirlərini azaldıb, Hörmüz boğazından gəmiçiliyi pozmaq cəhdləri isə İranın Vaşinqtonu güzəştə getməyə məcbur etmək üçün ümid etdiyi qlobal iqtisadi şoka səbəb olmayıb;

Enerji bazarları öz növbəsində uyğunlaşıb və alternativ təchizat mənbələri fəaliyyətini davam etdirir.

Regional mənbələr Reuters-ə bildiriblər ki, təzyiqin güzəştlərə gətirib çıxarıb-çıxarmayacağı bəlli deyil. Lakin İran ABŞ-ın qətiyyətini sarsıtmaq üçün ümid etdiyi təsirlərə nail ola bilməyib.

Eyni zamanda Tehran sanksiyaların aradan qaldırılması, dondurulmuş aktivlərə çıxış və Hörmüz boğazında təhlükəsizliyin təmin edilməsindəki rolunun tanınması tələblərindən geri çəkilmək əlaməti göstərməyib.
Lakin mənbələr bildirir ki, hazırda vasitəçilər arasında qarşıdurmanın həlli üçün yeni bir formul müzakirə olunur.

İran rəsmiləri ABŞ-ın təzyiqi səbəbindən pisləşən iqtisadi vəziyyətin, qiymətlərin artması, ticarətin zəifləməsi və ev təsərrüfatlarının gəlirlərinə təzyiqlə xarakterizə olunmasının Tehranı dəfələrlə çətinliyə salan ölkə miqyasında iğtişaşları yenidən alovlandıra biləcəyindən qorxurlar.
Rəsmilərin sözlərinə görə, yanacaq və buğda da daxil olmaqla, əsas idxal məhsullarının çatışmazlığı artan narahatlıq doğurur.