https://patriot.az/ Patriot.Az true https://patriot.az/index.php?newsid=72035 vasif dunya Fri, 13 Nov 2026 16:00:32 +0400

Almaniyanın avtomobil nəhəngi "Mercedes-Benz" xərclərin azaldılmaması təqdirdə ölkə daxilindəki sərmayələrini dayandırmağı və yeni modellərin istehsalını xaricə köçürməyi nəzərdən keçirir.

Bu barədə şirkətin yaydığı xəbərdarlıqda bildirilib.

Məlumata görə, qərara təsir edən əsas amillər maliyyə göstəricilərinin kəskin pisləşməsidir. Belə ki, üçüncü rübdə avtomobil bölməsinin əməliyyat mənfəəti yarıdan çox azalaraq 560 milyon avroya düşüb, Çin bazarındakı satışlar isə 31% azalıb.

Yaranmış böhran fonunda "Mercedes-Benz" dekabr ayından etibarən Almaniyadakı müəssisələrində kompensasiyalı könüllü işdənçıxarma proqramını yenidən bərpa edəcək.]]> true https://patriot.az/index.php?newsid=72047 vasif cemiyyet Fri, 13 Nov 2026 15:30:13 +0400

Azərbaycan Respublikasının qanunvericiliyinə əsasən, vətəndaşlara pulsuz ərzaq və ya ərzaq normasının təmin edilməsi, yaxud bunun pul qarşılığı əsasən xüsusi dövlət xidməti keçən şəxslərə, stasionar sosial müəssisələrdə qalanlara, sığınacaqlara yerləşdirilənlərə və fövqəladə vəziyyətlərdən zərər çəkənlərə şamil olunur.

Aşağıdakı kateqoriyalar üzrə vətəndaşlar ödənişsiz ərzaq əldə edir:

Məcburi hərbi qulluqçular və güc strukturları əməkdaşları

“Hərbi qulluqçuların statusu haqqında” Azərbaycan Respublikasının Qanununa və Nazirlər Kabinetinin müvafiq qərarlarına əsasən müddətli həqiqi hərbi xidmət qulluqçuları, hərbi lisey və akademiya tələbələri, eləcə də döyüş növbəsində duran hərbi heyət müəyyən edilmiş ərzaq payı normalarına uyğun olaraq gündəlik pulsuz qidalanma ilə təmin olunurlar. Eyni zamanda Müdafiə Nazirliyi, Daxili İşlər Nazirliyi, Dövlət Sərhəd Xidməti, Fövqəladə Hallar Nazirliyi və Penitensiar Xidmətin şəxsi heyətinə xidmət müddətində pulsuz ərzaq payı və ya qanunvericiliklə müəyyən olunmuş hallarda bunun pul kompensasiyası ödənilir.

Müəssisə tipli sosial xidmət müəssisələrində yaşayan şəxslər

“Sosial xidmət haqqında” və “Ahıllara sosial xidmət haqqında” qanunlara əsasən dövlət pansionatlarında və qocalıq evlərində yaşayıb qulluq edilən tənha ahıl şəxslər dövlət tərəfindən tam təminata götürülərək pulsuz ərzaqla təmin edilirlər. Bu qayda həmçinin əlilliyi olan şəxslər üçün müəssisələrdə və reabilitasiya mərkəzlərində stasionar qalanlara, eləcə də valideyn himayəsindən məhrum olmuş uşaqlar və kimsəsizlər üçün uşaq evləri və internat məktəblərinin sakinlərinə də şamil olunur.

Məhkumlar və müvəqqəti saxlanılan şəxslər

Cəza-İcraat Məcəlləsinə və müvafiq normativ aktlara əsasən cəzaçəkmə müəssisələrində cəza çəkən şəxslər, istintaq təcridxanalarında və müvəqqəti saxlanma yerlərində olan şəxslər dövlət büdcəsi hesabına müəyyən edilmiş kalori və ərzaq normalarına uyğun olaraq gündə üç dəfə pulsuz qida ilə təmin olunurlar.

Fövqəladə hallar, təbii fəlakətlər və müharibə zamanı zərər çəkmiş şəxslər

“Mülki müdafiə haqqında” Qanuna əsasən zəlzələ, daşqın, yanğın kimi təbii fəlakət və ya texnogen qəza zonasında evsiz və köməksiz qalan, müvəqqəti məskunlaşma məntəqələrinə yerləşdirilən mülki şəxslərə təxliyə olunduqları dövr ərzində pulsuz ərzaq və içməli su yardımı edilir. Həmçinin hərbi münaqışələr və müharibə şəraitində təxliyə olunan və ya mühasirədə, yaxud döyüş zonasında qalan mülki əhaliyə dövlət tərəfindən fövqəladə ərzaq payı paylanılır.

İnsan alverindən zərər çəkmiş şəxslər və məişət zorakılığı qurbanları

“İnsan alverinə karşı mübarizə haqqında” və “Məişət zorakılığının qarşısının alınması haqqında” qanunvericiliyə əsasən dövlət tərəfindən yaradılmış sığınacaqlara yerləşdirilən zərərçəkmiş şəxslərə sığınacaqda olduqları müddət ərzində pulsuz ərzaq, tibbi və sosial yardım göstərilir.|yenisabah]]> true https://patriot.az/index.php?newsid=72050 vasif dunya Fri, 13 Nov 2026 14:22:56 +0400

İrəvanda yerləşən Göy məsciddə təxribatçı bir tədbirin keçirilməsi Azərbaycanda haqlı narazılıq doğurdu.

Bəlli olduğu kimi, məscidin mərasim zalına erməni şairi Yeqişe Çarentsin adının verilib. Növbəti mərhələdə isə həmin zalda şairin büstünün qoyulması planlaşdırılır. Bu barədə İranın Ermənistandakı səfirliyi məlumat yayıb. Bildirilib ki, İrəvana işgüzar səfər edən İranın vitse-prezidenti Seyid Həmid Purməhəmmədi Çarentsin adının əks olunduğu lövhənin açılışında iştirak edib.

Pezeşkian: "Husilər bizdən əmr almır"

Bir daha yada salaq ki, Göy məscid XVIII əsrdə İrəvan xanlığı dövründə, İrəvan xanı Hüseynəli xanın hakimiyyəti zamanı inşa edilib. Bu abidə İrəvanın müsəlman-türk tarixi və Azərbaycan xalqının tarixi-mədəni irsi ilə bağlı mühüm memarlıq nümunələrindən biridir.

Məsələdə diqqət çəkən daha həssas bir detal da var. Bu da odur ki, görəsən İranın türk kökənli prezidenti Məsud Pezeşkian öz müavininin hansı təxribatçı tədbirə yollandlğını bilməyibmi? Ümumiyyətlə, İranın vitse-prezident xarici ölkəyə səfərə gedəndə tabe olduğu şəxsi səfər gündəliyi ilə tanış etmirmi? Yəni, bu ölkədə bu qədərmi siyasi özfəaliyyət hökm sürür?..

Sabiq dövlət müşaviri, professor Qabil Hüseynli Musavat.com-a bildirib ki, bu barədə həm İran səfirliyi, həm də Ermənistan mediası məlumat yayıb: "Ona görə də Pezeşkianın xəbəri olmadan vitse-prezidentin mərasimdə iştirakı inandırıcı deyil. Yəni o, tədbirdə sadəcə qonaq qismində yox, açılış mərasimində birbaşa iştirak edib. Necə ola bilər ki, vitse-prezident prezidentə məruzə etməsin? Deməli, razılaşdırılıb. Sadəcə, bu, İranın siyasətidir və təbrizli balası Pezeşkian da ona qarşı çıxmır".

Politoloq Qabil Hüseynli: " Azərbaycan düşmənlərinin işidir..."

Qabil Hüseynli qeyd edib ki, İranda vitse-prezidentlər prezident tərəfindən təyin olunur və onlara müəyyən istiqamətlər üzrə tapşırıqlar verilir: "Sadəcə, burada bir ehtimal var - Pezeşkian məscidə Çarentsin adının veriləcəyindən xəbərdar olmaya bilərdi. Yəni erməni tərəfi məlumat verə bilər ki, səfər çərçivəsində Göy məsciddə də tədbir nəzərdə tutulub. Amma bu, az ehtimaldır. Çünki vitse-prezident erməni şairin adının məscidə verilməsi hissəsində iştirak edir və belə tədbirlərə əvvəldən hazırlıq görülür".

Professorun sözlərinə görə, İran ciddi səhvə yol verib və prezident Pezeşkianın məsələyə münasibət bildirməməsi suallar doğurur: "Bu, sıradan bir mədəniyyət mərkəzi deyil, XVIII əsrdə İrəvan xanlığı dövründə inşa edilmiş Göy məsciddir. İran rejimi isə bu addımı ilə Azərbaycana olan hörmətsizliyə şərik çıxır. Görünür ki, Pezeşkian rejimin ümumi siyasətinə müqavimət göstərə bilməyib. O rejim isə türkə nifrət, fars şovinizmi üzərində qurulub. Yəni bu hadisəni yalnız bir vitse-prezidentin şəxsi təşəbbüsü kimi təqdim etmək siyasi baxımdan inandırıcı görünmür. Ən azı İran dövlətinin müvafiq strukturlarının məsuliyyəti və məlumatlılığı araşdırılmalıdır. Pezeşkianın şəxsən məlumatlı olub-olmaması isə İran tərəfinin aydınlaşdırmalı olduğu məsələdir".]]> true https://patriot.az/index.php?newsid=72048 vasif dunya Fri, 13 Nov 2026 13:43:17 +0400

Bu hərbi obyektin taleyi təkcə Ermənistan-Rusiya münasibətlərinə deyil, bütövlükdə regiondakı güc balansına təsir edə bilər

Kollektiv Təhlükəsizlik Müqaviləsi Təşkilatı Ermənistanı səsvermə hüququndan məhrum etdikdən sonra diqqətlər Rusiyanın Gümrüdəki hərbi bazasına dikilib. Musavat.com xəbər verir ki, “Nezavisimaya qazeta” yazır ki, İrəvan gələcəkdə 102-ci bazadan sövdələşmənin bir hissəsi kimi, məsələn, Rusiya qazının qiyməti ilə bağlı istifadə edə bilər.

Musavat.com xəbər verir ki, Almaniyanın “Deutsche Welle” nəşrinin yaydığı məlumata görə, noyabrın əvvəlində internetdə yayılan videoda hərbi geyimli şəxsin yerdə uzanmış gənci təhqir etdiyi, ona fiziki zorakılıq göstərdiyi və “Gümrü bizim şəhərimizdir, başa düşdün? Rus əsgərlərinin şəhəridir!” dediyi eşidilir. Bu görüntülər Ermənistanda ciddi narazılıq yaradıb.

Bununla yanaşı, oktyabrda da Gümrünün Ani məhəlləsində Ukrayna vətəndaşı Dmitri Samuelyenkoya qarşı törədilən hücumla bağlı araşdırma aparılır. O, iki nəfərin hücumuna məruz qaldığını polisə bildirib. Ermənistanın “CivilNet” portalının mənbələrinin məlumatına görə, hücum edənlər 102-ci Rusiya hərbi bazasının qulluqçularıdır. Onlara qrup halında sağlamlığa yüngül zərər vurmaq ittihamı irəli sürülüb. Hər iki şübhəli həbs edilib və Ermənistanın penitensiar müəssisəsində saxlanılır. Hələlik Rusiya səfirliyi və hərbi bazanın komandanlığı tərəfindən insidentlərlə bağlı rəsmi izahat verilməyib.

Alman nəşri yazır ki, Gümrüdə baş verən son hadisələr Rusiya hərbi bazasının adı ilə bağlı ilk qalmaqal deyil. Bu hərbi obyekt uzun illərdir Ermənistan cəmiyyətində təhlükəsizlik, hüquqi məsuliyyət və xarici hərbi qüvvələrin davranışı ilə əlaqədar mübahisələrin mərkəzində dayanır.

102-ci baza ilə bağlı ən dəhşətli hadisə 2015-ci ilin yanvarında baş vermişdi. Rusiyalı hərbçi Valeri Permyakov Avetisyanlar ailəsinin yeddi üzvünü, o cümlədən iki uşağı qətlə yetirmişdi. Bu cinayət Ermənistan cəmiyyətində böyük sarsıntı yaratmış, Gümrüdə minlərlə insanın iştirak etdiyi etiraz aksiyalarına səbəb olmuşdu.
Permyakov Ermənistan məhkəməsi tərəfindən ömürlük həbs cəzasına məhkum edilsə də, sonradan cəzasını çəkmək üçün Rusiyaya təhvil verilmişdi.

Picture background

Bu hadisələrin hər biri Ermənistan cəmiyyətində eyni sualı aktuallaşdırıb: ölkə ərazisində yerləşən xarici hərbi qüvvələrin qulluqçuları yerli qanunları pozduqda onların məsuliyyətə cəlb edilməsi nə dərəcədə təmin olunur? 102-ci Rusiya hərbi bazasının Ermənistanda yerləşməsini tənzimləyən 1995-ci il müqaviləsi ilə yanaşı, 1997-ci il avqustun 29-da imzalanmış ayrıca yurisdiksiya sazişi də mövcuddur.

Həmin sənədə əsasən, Rusiya hərbçilərinin Ermənistan ərazisində törətdikləri cinayətlər, bir qayda olaraq, Ermənistan hüquq-mühafizə orqanları tərəfindən yerli qanunvericiliyə uyğun araşdırılmalıdır.

Bununla belə, müəyyən istisnalar nəzərdə tutulub. Cinayət hərbi bazanın ərazisində törədildikdə, Rusiyaya, bazanın şəxsi heyətinə və onların ailə üzvlərinə qarşı yönəldikdə, yaxud hərbi xidmətlə bağlı xüsusi kateqoriyaya aid olduqda fərqli yurisdiksiya qaydaları tətbiq oluna bilər.

Ən ciddi problem isə hərbi obyektin daxilində aparılan istintaq tədbirləri ilə bağlıdır. Ermənistan tərəfi belə hallarda Rusiya qurumları ilə birgə hərəkət etməli, yaxud yazılı müraciət əsasında onların iştirakı və razılığı ilə müvafiq tədbirlər həyata keçirməlidir.

Vanadzor Helsinki Vətəndaş Assambleyası ofisinin rəhbəri, hüquq müdafiəçisi Artur Sakunts hesab edir ki, məhz bu mexanizm Rusiyanın hərbi bazasına faktiki toxunulmazlıq imkanı yaradır.

Onun sözlərinə görə, Rusiya komandanlığı əvvəllər də şübhəli şəxslərin Ermənistan hüquq-mühafizə orqanlarına təhvil verilməsinə mane olub. Hüquq müdafiəçisi iddia edir ki, son insidentdə şübhəlilərin həbsinin mümkün olması onların hərbi bazanın daxilində deyil, kənarda kirayələdikləri mənzildə yaşaması ilə əlaqədardır. Sakunts Ermənistan Xarici İşlər Nazirliyini Rusiyanın İrəvandakı səfiri Sergey Kopırkini çağırmağa və rəsmi xəbərdarlıq etməyə dəvət edib. Onun fikrincə, siyasi iradə nümayiş etdirilməsə, belə hadisələrin təkrarlanması qaçılmazdır.

102-ci baza ətrafında yaranmış yeni qalmaqal Ermənistan-Rusiya münasibətlərinin onsuz da gərgin olduğu bir dövrə təsadüf edir. Yəni Ermənistanın KTMT-dən siyasi uzaqlaşması ilə Rusiya hərbi bazasının gələcəyi arasında əlaqə getdikcə daha aydın görünür. İrəvan bir tərəfdən Moskvanın təhlükəsizlik təminatlarını yetərsiz hesab edir, digər tərəfdən isə ölkə ərazisində Rusiyanın mühüm hərbi obyektinin fəaliyyətini davam etdirməsinə razılıq verir.

Bu, Ermənistanın xarici siyasətindəki ziddiyyətlərdən biri kimi qiymətləndirilə bilər.
Ermənistanda Rusiya hərbi bazasının fəaliyyət müddəti 1995-ci il dövlətlərarası müqaviləsi ilə müəyyənləşdirilib. 2010-cu ildə imzalanmış protokolla bazanın Ermənistanda qalma müddəti 2044-cü ilədək uzadılıb.
Müqaviləyə əsasən, bazanın fəaliyyət şərtləri tərəflərin qarşılıqlı razılığı ilə yenidən nəzərdən keçirilə bilər. Onun ləğvi ilə bağlı məsələlər isə xüsusi komissiya çərçivəsində razılaşdırılmalıdır.

Picture background

Son aylarda həm Rusiya, həm də Ermənistan rəhbərliyinin açıqlamaları bu məsələnin artıq yalnız hüquqi deyil, siyasi müstəvidə də müzakirə olunduğunu göstərir. Sentyabrda Rusiya prezidenti Vladimir Putin Moskvanın Ermənistan istədiyi təqdirdə hərbi bazanı ölkədən çıxarmağa hazır olduğunu bildirib. Onun sözlərinə görə, Ermənistan bunu zəruri hesab edərsə, Rusiya hərbçiləri hətta sabah da ölkəni tərk edə bilərlər.
Paşinyan isə cavabında 2022-ci il hadisələrinin Rusiyanın hərbi bazasının Ermənistanın təhlükəsizliyi baxımından həyati əhəmiyyət daşımadığını göstərdiyini vurğulayıb.

Bununla belə, rəsmi İrəvan indiyədək 102-ci bazanın tamamilə çıxarılması ilə bağlı konkret tələb irəli sürməyib. Moskva da bu hərbi obyektin regiondakı təhlükəsizlik sisteminin mühüm elementi olduğunu bəyan etməkdə davam edir.
Siyasi analitik Boris Navasaardyan hesab edir ki, Rusiya hərbi bazasının hüquqi statusuna yenidən baxılması məsələsi əslində çoxdan yetişib. Onun fikrincə, 2015-ci ildə Avetisyanlar ailəsinin qətlə yetirilməsindən sonra bu istiqamətdə ciddi dəyişikliklər edilməli idi.

Analitik xüsusilə Rusiya hərbçilərinin Ermənistana daxil olması, hərbi bazadan kənarda sərbəst hərəkət etməsi və hüquq pozuntularına görə məsuliyyətə cəlb olunması qaydalarının dəqiqləşdirilməsinin vacibliyini vurğulayır.

Navasaardyanın fikrincə, bu məsələlər həm bazanın statusunda, həm də müvafiq ikitərəfli sazişlərdə konkret şəkildə əksini tapmalıdır. Gümrüdəki son hadisələr daha geniş geosiyasi proseslərin fonunda qiymətləndirilməlidir. Ermənistan hakimiyyətinin Qərblə yaxınlaşması, KTMT-də iştirakın dondurulması, Avropa İttifaqı ilə münasibətlərin genişləndirilməsi və Rusiyanın regional təsir imkanlarının zəifləməsi Moskvanı Cənubi Qafqazdakı mövqelərini qorumaq üçün yeni yanaşmalar axtarmağa vadar edir.

Gümrüdə yerləşən bu hərbi obyektin taleyi təkcə Ermənistan-Rusiya m102-ci hərbi baza Rusiyanın Ermənistandakı əsas hərbi dayağı olmaqla yanaşı, Moskvanın Cənubi Qafqazdakı mövcudluğunun da ünasibətlərinə deyil, bütövlükdə regiondakı güc balansına təsir edə bilər.]]> true https://patriot.az/index.php?newsid=72049 vasif cemiyyet / gundem / video Fri, 13 Nov 2026 13:17:04 +0400

3,7 milyonluq cinayət işi, aylıq 55 min manat maaş iddiası, 2,4 milyonluq mülk qalmaqalı, şübhəli tenderlər və ölkəni qaranlığa qərq edən qəza – keçmiş enerji rəhbərinin adı yenidən böyük qalmaqalın mərkəzindədir

Azərbaycanın enerji sektoruna 17 il rəhbərlik etmiş Etibar Pirverdiyevin adı yenidən məhkəmə salonlarında səslənir. Bir vaxtlar milyardlarla manatlıq enerji layihələrinin həyata keçirildiyi “Azərenerji” ASC-nin keçmiş prezidenti 2018-ci ildə vəzifəsini itirsə də, onun dövründə formalaşdığı iddia edilən biznes əlaqələri barədə suallar bu gün də cavabsız qalır.

Musavat.com xəbər verir ki, Pirverdiyevlə əlaqələndirilən “Azenco” ASC-nin keçmiş rəhbəri Vüqar Əliyevin məhkəməsində ortaya çıxan məlumatlar illərdir Azərbaycan mediasında səsləndirilən korrupsiya və maraqlar toqquşması iddialarını yenidən gündəmə gətirib.

Ortada son dərəcə ciddi sual var: dövlətin enerji sektoruna ayrılan böyük vəsaitlərdən kimlər, hansı mexanizmlərlə faydalanıb və bu proseslərə kim nəzarət edib?

Aylıq 55 min manat maaş – keçmiş məmur hansı xidmətin əvəzində bu qədər qazanıb?

Noyabrın 2-də Bakı Ağır Cinayətlər Məhkəməsində “Azenco”nun keçmiş rəhbəri Vüqar Əliyevin işi üzrə keçirilən prosesdə sensasion iddia səsləndirilib.

Vəkil Nurlan Məmmədov bildirib ki, Etibar Pirverdiyev şirkətdə məsləhətçi kimi çalışıb və aylıq 55 min manat əməkhaqqı alıb.

Bu, ildə 660 min manat deməkdir!

Məhkəmədə səsləndirilən həmin rəqəm hələ müstəqil sənədlərlə təsdiqlənməyib. Lakin iddia doğrudursa, hansı xidmət müqaviləsi əsasında belə məbləğin ödənildiyi və məsləhətçinin konkret hansı işləri gördüyü açıqlanmalıdır.

Eyni prosesdə Vüqar Əliyev bildirib ki, şirkətdə əsas qərarların arxasında Etibar Pirverdiyev dayanıb. Onun sözlərinə görə, “Azenco”da Pirverdiyevi “şef” adlandırıblar və xarici tərəfdaşlarla müzakirələrdə əsas şəxs o olub.

Bu iddialar məhkəmədə səslənib, lakin Pirverdiyevin şirkət üzərində faktiki mülkiyyət və nəzarət hüququnun həcmi hələ hüquqi baxımdan müəyyənləşdirilməyib.

3,7 milyonluq mənimsəmə işi: “Azenco”nun arxasında kim dayanır?

Hazırda “Azenco”nun keçmiş Müşahidə Şurası sədri Vüqar Əliyev xüsusilə külli miqdarda mənimsəmə ittihamı ilə mühakimə olunur.

Musavat.com-un məlumatına görə, söhbət təxminən 3,7 milyon manatdan gedir. Təqsirləndirilən şəxs ittihamı qəbul etmir.

Əliyev məhkəmədə və istintaq dövründə Etibar Pirverdiyevin şahid kimi dindirilməsini tələb edib. O, şirkətin faktiki olaraq Pirverdiyevə məxsus olduğunu, özünün isə onun göstərişlərini yerinə yetirdiyini iddia edir.

Məhkəmə əvvəlcə qapalı keçirilsə də, sonradan iclasların açıq aparılmasına qərar verilib.

İndi diqqətlər noyabrın 16-na təyin edilmiş növbəti prosesə yönəlib.

Əgər “Azenco”nun əsas qərarlarını başqa şəxs verirdisə, milyonlarla manatlıq əməliyyatlara görə məsuliyyət yalnız rəsmi rəhbərin üzərində qala bilərmi?

Bu sualın cavabını məhkəmə sübutları müəyyənləşdirməlidir. Etibar Pirverdiyevin həmin cinayət işi üzrə təqsirləndirilən şəxs olması barədə təsdiqlənmiş məlumat yoxdur.

Deputat hələ 2012-ci ildə korrupsiya ittihamı irəli sürmüşdü

Etibar Pirverdiyevin adı korrupsiya iddialarında ilk dəfə çəkilmir.

Hələ 2012-ci ildə Milli Məclisin deputatı Çingiz Qənizadə “Azərenerji”nin fəaliyyətini kəskin tənqid etmiş, qurumla “Azenco” arasındakı müqavilələrdə korrupsiya və dövlət vəsaitlərinin mənimsənilməsi iddialarını səsləndirmişdi.

Deputat su elektrik stansiyası layihələrindən birinin icra müddətinin 20 aydan əlavə 15 ay uzadıldığını, bunun üçün büdcədən əlavə vəsait ayrıldığını bildirmişdi.

Qənizadə Hesablama Palatasının araşdırma materiallarının Baş Prokurorluğa göndərilməsini tələb etmişdi.

Bu, sadəcə anonim sosial media paylaşımı deyildi. İddialar parlament səviyyəsində səsləndirilmişdi.

Lakin həmin bəyanatlar özlüyündə korrupsiyanın məhkəmə tərəfindən sübuta yetirildiyi anlamına gəlmir. unikal.az

2,4 milyonluq mülk qalmaqalı – ailə üzvlərinin adı da çəkilib

2014-cü ildə “Reytinq” qəzetinin araşdırmasına istinadla “Qafqazinfo” Etibar Pirverdiyevin ailəsi ilə bağlı diqqətçəkən məlumatlar yayıb.

İddialara görə, Bakının Nərimanov rayonunda dördmərtəbəli mülkün alınması üçün 2,4 milyon manatlıq razılaşma olub. Alıcı kimi Pirverdiyevin həyat yoldaşı Pərvanə Pirverdiyevanın adı göstərilib.

Mülkün əvvəlki sahibi Elbrus Məmmədovun nümayəndəsi alqı-satqı sənədində əmlakın qiymətinin 800 min manat göstərildiyini, faktiki razılaşdırılmış məbləğin isə daha yüksək olduğunu iddia edib.

Məqalədə Pirverdiyevin qohumlarının “Azərenerji” ilə kommersiya əlaqələrinə malik olması, mal-materialların baha qiymətə satılması və tenderlərin müəyyən şirkətlərə yönləndirilməsi barədə də iddialar yer alıb.

Bu məlumatlar ciddi araşdırma mövzusudur. Lakin onların hamısının məhkəmə qərarı və ya rəsmi audit sənədləri ilə təsdiqləndiyi müəyyən edilməyib.

Bayraq Meydanı qalmaqalında da adı çəkilmişdi

2015-ci ildə Dövlət Bayrağı Meydanı ətrafındakı cinayət araşdırmalarında da Pirverdiyevin adı gündəmə gəlmişdi.

“Qafqazinfo”nun 2018-ci ildə dərc etdiyi materiala görə, “Azİmport” şirkətinin sahibi Rəşad Məmmədov istintaqa verdiyi ifadədə Pirverdiyevə qarşı ittihamlar səsləndirmişdi.

Həmin nəşr Pirverdiyevin məsələ ilə əlaqədar hüquq-mühafizə orqanlarında ifadə verdiyini də yazmışdı.

Diqqətçəkən məqam odur ki, “Azenco” Dövlət Bayrağı Meydanı və “Baku Crystal Hall” kimi böyük layihələrin podrat işlərində iştirak etmişdi.

Bununla belə, adıçəkilən layihələrdə Pirverdiyevin korrupsiya cinayəti törətməsi barədə qanuni qüvvəyə minmiş hökm müəyyən edilməyib.

2018-ci il: ölkə qaranlığa qərq oldu, Pirverdiyev vəzifədən çıxarıldı

Etibar Pirverdiyevin karyerasındakı ən ağır hadisələrdən biri 2018-ci ilin iyulunda Mingəçevir İstilik Elektrik Stansiyasında baş verən qəza idi.

Qəza nəticəsində ölkənin enerji sistemində genişmiqyaslı fasilələr yarandı. Bakı da daxil olmaqla, çoxsaylı yaşayış məntəqələri elektrik enerjisiz qaldı.

Hadisəni araşdıran Dövlət Komissiyası “Azərenerji”nin texniki çatışmazlıqlarını, qəzaya hazırlıq və reaksiya problemlərini müəyyənləşdirdi.

Prezident İlham Əliyev müşavirədə enerji sisteminin idarə edilməsini sərt tənqid etdi. Sentyabrın 4-də isə Etibar Pirverdiyev vəzifəsindən azad olundu.

Bu, artıq sadəcə mətbuat iddiası deyil, dövlət komissiyasının rəyi ilə müəyyən edilmiş idarəçilik nöqsanları və onların ardınca verilmiş rəsmi qərar idi.

Vəzifədən gedib, amma böyük biznesin ətrafındakı suallar bitməyib

2025-ci ilin dekabrında “Qafqazinfo” yeni məlumat yaydı: Etibar Pirverdiyevlə əlaqələndirilən “Azenco”nun iştirak etdiyi konsorsium Rumıniyada 106 milyon avroluq su elektrik stansiyası layihəsi üzrə tenderə namizədlər sırasında idi.

Bu məlumat özlüyündə qanun pozuntusu deyil. Lakin keçmiş dövlət məmurunun adı ilə əlaqələndirilən şirkətin beynəlxalq miqyaslı layihələrdə iştirakı onun bizneslə faktiki əlaqələrinin və bu əlaqələrin hüquqi əsaslarının şəffaflaşdırılması məsələsini aktuallaşdırır. Qafqazinfo

15 min manatlıq gül, 44 900 manatlıq içki – məhkəmədə daha nələr açılıb?

Noyabrın 2-də keçirilən məhkəmədə “Azenco”nun hazırkı rəhbəri Pərviz Hacıyev şirkətin xərcləri barədə də diqqətçəkən ifadə verib.

Onun sözlərinə görə, hesabatlarda bir gündə 15 min manatlıq gül, həmçinin 44 900 manatlıq içki alınması kimi xərclər aşkar edilib.

Şahid bu xərclərlə bağlı məsuliyyəti keçmiş rəhbər Vüqar Əliyevin üzərinə qoyub. Müdafiə tərəfi isə maliyyə qərarlarının kim tərəfindən verildiyini mübahisələndirərək Pirverdiyevin rolunun araşdırılmasını tələb edib.

Bu xərclərin qanuniliyi və onlara görə kimin məsuliyyət daşıdığı məhkəmədə müəyyən edilməlidir. Əə

Əsas sual: Etibar Pirverdiyevin fəaliyyətinin tam maliyyə auditi aparılıbmı?

İllər ərzində Azərbaycan mediasında Pirverdiyevin adı müxtəlif korrupsiya, tender, əmlak və biznes əlaqələri iddialarında çəkilib.

İndi həmin iddiaların bir qismi “Azenco” işi ilə yenidən aktuallaşıb.

Ortada cavab gözləyən suallar var:

* “Azərenerji”nin 2001–2018-ci illərdə bağladığı iri müqavilələrin hansı hissəsi müstəqil maliyyə auditindən keçirilib?
* “Azenco” ilə dövlət qurumu arasındakı müqavilələrdə maraqlar toqquşması olubmu?
* Etibar Pirverdiyevin “Azenco”dakı faktiki rolu, mümkün pay sahibliyi və məsləhətçi gəlirləri hansı sənədlərlə təsdiqlənir?
* Aylıq 55 min manatlıq əməkhaqqı iddiasının maliyyə və vergi sənədlərində qarşılığı varmı?
* Məhkəmədə onun adını çəkən Vüqar Əliyevin iddiaları niyə ayrıca yoxlanılmamalıdır?

17 il ölkənin strateji enerji sisteminə rəhbərlik etmiş şəxsin fəaliyyəti barədə bu qədər ciddi iddia səsləndirilirsə, onların hər biri sənədlərlə araşdırılmalı, təsdiqlənən qanun pozuntularına hüquqi qiymət verilməlidir.

Etibar Pirverdiyev 2018-ci ildə dövlət vəzifəsindən uzaqlaşdırılıb. Lakin onun adı ətrafındakı mübahisələr bununla bitməyib.

İndi məsələ təkcə bir keçmiş məmurun var-dövləti deyil. Söhbət dövlət sifarişlərinin necə bölüşdürülməsindən, strateji müəssisələrdə maliyyə nəzarətindən və böyük vəsaitlərin idarə olunmasında hesabatlılıqdan gedir.

Əsas sual isə açıq qalır: “Azərenerji”nin 17 illik Pirverdiyev dövründə dövlətin milyardları necə xərclənib, hansı şirkətlər qazanıb və mümkün qanun pozuntularına görə kimlər cavab verməlidir?

Bu suallara cavab vermək üçün iddiaların deyil, müqavilələrin, bank əməliyyatlarının, audit sənədlərinin və məhkəmə sübutlarının tam araşdırılması lazımdır.

Redaksiyadan: Pirverdiyev vəzifədən getsə də, indi də eyş-işrət içərisində yaşamaqdadır. Onun özünün və ailəsinin xərcləri indi də fantastik rəqəmlərlə ifadə olunur. İddialara görə Elnur Etibar oğlu Pirverdiyevin Bakıda olarkən həftəlik xərcləri 20 min manatdan daha çoxdur. Tez-tez xarici ölkələrdə dostları ilə "parti"lər təşkil edən Elvinin ölkədən kənar xərcləri isə bir həftəyə 50-100 min avroya çatır. Bütün bunlar qudirğan məmurun taladığı dövlət əmlakının eyş-işrətlə havaya sovrulduğunu göstərir.

Mövzunu daha detallı davam etdirəcəyik.

Kazım Kələntərov,]]> true https://patriot.az/index.php?newsid=72053 vasif cemiyyet Fri, 13 Nov 2026 12:22:26 +0400

Azərbaycan Həmkarlar İttifaqları Konfederasiyasının sədr müavini Qəzənfər İsmayıl oğlu Abdullayev vəzifəsindən azad edilib.
Unikal xəbər verir ki, bu barədə müvafiq qərar qəbul edilib.
Qeyd edək ki, Q.Abdullayev 28 sentyabr 2023-cü ildə AHİK-in sədr müavini seçilmişdi.

Xatırladaq ki, bir müddət əvvəl Qəzənfər Abdullayevin mülkləri ilə bağlı mətbuatda məlumat yayılmışdı. Bundan sonra o, Naxçıvan Muxtar Respublikası Həmkarlar İttifaqları Şurasının sədri vəzifəsindən azad edilib, həmçinin Naxçıvan Muxtar Respublikası Ali Məclisinin deputatı mandatından məhrum olunub.]]> true https://patriot.az/index.php?newsid=72052 vasif siyaset Fri, 13 Nov 2026 12:19:01 +0400

Azərbaycanın müdafiə naziri general-polkovnik Zakir Həsənov Türkiyə Respublikasının milli müdafiə naziri Yaşar Gülərə başsağlığı verib.
Bu barədə Müdafiə Nazirliyindən məlumat verilib.
Başsağlığında deyilir: "Malatya vilayətində S-70 tipli hərbi helikopterin qəzaya uğraması nəticəsində dörd nəfər hərbi qulluqçunun həlak olması haqqında xəbər məni dərindən kədərləndirdi.

Həlak olan hərbi qulluqçulara Allahdan rəhmət diləyir, yaxınlarının dərdlərinə şərik olur, ailələrinə dərin hüznlə başsağlığı verirəm.

Allah rəhmət eləsin".

Xatırladaq ki, ötən gün Türkiyənin Malatya vilayətinin Yeşilyurt rayonunun Samanköy ərazisində S-70 tipli hərbi helikopterin qəzaya uğraması nəticəsində 4 hərbçi həlak olub.]]> true https://patriot.az/index.php?newsid=72051 vasif hadise Fri, 13 Nov 2026 12:15:59 +0400

Astara rayon Kakalos kənd sakini 84 yaşlı Mirzəcan Hüseynovun Gəncədə itkin düşdükdən üç gün sonra meyitinin tapılması ilə bağlı bəzi məqamlar aydınlaşıb.
"Qafqazinfo" xəbər verir ki, onun meyiti Gəncə şəhərinin Cavadxan qəsəbəsindən Göygöl rayonunun Hacıməlik kəndi istiqamətindəki boş sahədə aşkar edilib.
İlkin ehtimala görə, M.Hüseynov Gəncədə yerləşən hərbi hissələrdən birində nəvəsinin andiçmə mərasimindən sonra insanların sıx cəmləşdiyi yeri tərk edərək azıb.

Daha sonra Gəncə şəhərindən çıxaraq Göygöl rayonu istiqamətində hərəkət edib və Bakı-Qazax yoluna doğru gedib.

Boş sahədə olarkən - magistraldan bir neçə kilometr aralıda 84 yaşlı kişinin yıxıldığı, aclıq və soyuqdan öldüyü ehtimal edilir.

İlkin baxış zamanı onun üzərində hər hansı zorakılıq əlaməti aşkarlanmayıb.

Faktla bağlı araşdırmalar davam etdirilir.]]> true https://patriot.az/index.php?newsid=72046 vasif dunya Fri, 13 Nov 2026 10:44:16 +0400

Yəməndəki husi qruplaşması ("Ənsar Allah" hərəkatı) Səudiyyə Ərəbistanının kritik enerji infrastrukturuna qarşı genişmiqyaslı hücumlar həyata keçirdiyini bəyan edib.

Husilərin hərbi nümayəndəliyinin yaydığı rəsmi açıqlamaya əsasən, zərbələr iki əsas strateji hədəfə yönəldilib. İlk hücum krallığın neft nəqlində həyati əhəmiyyət daşıyan "Şərq-Qərb" (East-West) boru kəmərinin nasos stansiyasına, ikinci zərbə isə Qırmızı dəniz sahilində yerləşən Yanbu liman şəhərindəki iri neft obyektinə endirilib.

Qeyd edək ki, gündəlik ötürmə gücü milyonlarla barel olan "Şərq-Qərb" boru kəməri Hörmüz boğazından yan keçməklə Səudiyyə neftini birbaşa Qırmızı dənizdəki Yanbu ixrac terminallarına çatdıran əsas alternativ arteriyadır.

Hörmüz boğazında gəmiçiliyin iflic olduğu və tankerlərin hədəfə alındığı bir vaxtda bu marşrutun da vurulması qlobal enerji bazarlarında ciddi təşviş yaradıb. Rəsmi Ər-Riyad hələlik hücumların miqyası və dəyən ziyanın həcmi ilə bağlı geniş açıqlama verməyib.]]> true https://patriot.az/index.php?newsid=72045 vasif hadise Fri, 13 Nov 2026 10:38:52 +0400

Ali Məhkəmənin İnzibati kollegiyasında özünüməşğulluq proqramı çərçivəsində verilən əmlakın geri tələb edilməsi ilə bağlı mübahisəyə baxılıb.

Bu barədə qurumdan məlumat verilib.

İşin hallarına əsasən, müvafiq inzibati orqan ilə vətəndaş arasında 2024-cü il fevralın 1-də bağlanmış müqaviləyə əsasən, ona “Broyler inkubatoru” zərfi üzrə inkubator aparatı, generator və yemüyüdən avadanlıq verilib.

Lakin 2025-ci il fevralın 19-da aparılmış monitorinq zamanı həmin avadanlıqların satıldığı müəyyən edilib. İnzibati orqan vətəndaşa xəbərdarlıq məktubu göndərərək əmlakın natura şəklində geri qaytarılmasını tələb edib. Tələb yerinə yetirilmədiyindən inzibati orqan məhkəməyə müraciət edib.

Bakı İnzibati Məhkəməsi inzibati orqanın iddiasını mümkün saymayaraq bildirib ki, əmlakın geri qaytarılması məsələsi məhkəməyə müraciət edilmədən, inzibati orqanın öz səlahiyyətləri çərçivəsində müvafiq inzibati akt qəbul etməsi yolu ilə həll oluna bilər. Apellyasiya instansiyası məhkəməsi də birinci instansiya məhkəməsinin qərardadını dəyişdirilmədən qüvvədə saxlayıb.

İşə kassasiya qaydasında baxan Ali Məhkəmə qeyd edib ki, özünüməşğulluq proqramı çərçivəsində əmlakın verilməsi iki mərhələli inzibati prosedur əsasında həyata keçirilir. İlkin mərhələdə şəxsin özünüməşğulluğa cəlb edilməsi barədə inzibati akt qəbul olunur, sonrakı mərhələdə isə həmin akt əsasında inzibati müqavilə bağlanılır.

Ali Məhkəmənin hüquqi mövqeyinə görə, vətəndaş müqavilə üzrə öhdəliklərini yerinə yetirmədikdə inzibati orqan ilk növbədə əvvəlki əlverişli inzibati aktın ləğvi, müqaviləyə xitam verilməsi və əmlakın, yaxud onun dəyərinin geri tələb edilməsi barədə müvafiq inzibati akt qəbul etməlidir.

Məhkəmə vurğulayıb ki, inzibati orqanlar qanunvericiliklə onlara verilmiş səlahiyyətlərdən istifadə edərək müvafiq qərarları özləri qəbul etməli, məhkəməyə müraciət isə yalnız qanunla nəzərdə tutulmuş hallarda sonuncu hüquqi vasitə kimi çıxış etməlidir.

Beləliklə, Ali Məhkəmə özünüməşğulluq proqramı üzrə verilmiş əmlakın geri tələb edilməsi zamanı inzibati prosedurlara riayət olunmasının və inzibati orqanların öz səlahiyyətləri çərçivəsində qərar qəbul etməsinin vacibliyini vurğulayıb.]]>