Xəbər lenti
» » “Gənclərin Bilik Olimpiadası” başa çatdı

“Gənclərin Bilik Olimpiadası” başa çatdı

Tarix: 09 iyun 11:42
“Gənclərin Bilik Olimpiadası” başa çatdı


08 iyun 2016-cı il tarixində Nərimanov Rayon İcra Hakimiyyətinin iclas zalında Azərbaycan Respublikasının Prezidenti yanında Gənclər Fondunun maliyyə dəstəyi, Nərimanov Rayon Gənclər və İdman İdarəsi və “Yeni Gələcək” Gənclərin Maarifləndirilməsi İctimai Birliyinin birgə təşkilatçılığı ilə “Gənclərin Bilik Olimpiadası” adlı layihənin son yarışı və bağlanış mərasimi keçirilib.
Layihənin bağlanış mərasimində Nərimanov Rayon Gənclər və İdman İdarəsinin rəisi Nəcəf Novruzov, Azərbaycan Gənclərinin Avropaya İnteqrasiya Təşkilatının Fərdi İnkişaf Mərkəzi "Etika Akademiyası"nın direktoru Günel İbrahimli, "Yeni Gələcək" Gənclərin Maarifləndirilməsi İctimai Birliyin sədri Pərviz Mustafayev, İctimai Birliyin baş katibi Ləman Muradova, "Mənim təhsilim - mənim gələcəyim" kampaniyanın rəhbəri Rəşad Bayramov, ali və orta ixtisas müəssisələrinin tələbə-gənclər təşkilatlarının sədrləri və seçmə turlarında qalib gəlmiş tələbələr iştirak etmişdir.
İlk öncə qonaqları salamlayan "Yeni Gələcək" Gənclərin Maariflləndirilməsi İctimai Birliyinin baş katibi Ləman Muradova layihənin əhəmiyyəti və məqsədi haqqında geniş məlumat verdi.
Sonra “Gənclərin Bilik Olimpiadası” layihəsinin son final mərhələsinə start verildi və 9 ali və orta ixtisas təhsil müəssisələrinin seçmə turlarında qalib gəlmiş 27 nəfər tələbə yarışmaya qatıldı.
Final mərhələsi bitdikdən sonra layihənin bağlanış və mükafatlandırma mərasimi keçirildi.
Bağlanış mərasimində Nərimanov Rayon Gənclər və İdman İdarəsinin rəisi Nəcəf Novruzov çıxış edərək bu kimi tədbirlərin həm gənc nəslin bilik və bacarıqlarının artırlmasındakı əhəmiyyətindən danışıb, həm də Gənclər Fondunun hər bir gəncə dəstək verməklə ölkəmizdə gənclərin potensialının üzə çıxarılmasının müsbət əhəmiyyətini qeyd etmişdir. N.Novruzov bildirmişdir ki, Ümummilli lider Heydər Əliyev daim təhsilə, tərbiyəyə strateji sahə kimi baxmış, Vətənin, xalqın tərəqqisində оnların rоluna yüksək qiymət vermişdir. Bu gün Azərbaycan Respublikasının Prezidenti Cənab İlham Əliyevin gənclərin təhsilinə, elminə göstərdiyi xüsusi diqqət və qayğısı göz qabağındadır.
Azərbaycan Gənclərinin Avropaya İnteqrasiya Təşkilatının Fərdi İnkişaf Mərkəzi "Etika Akdemiyası" nın direktoru Günel İbrahimli çıxış edərək mərkəzin ölkəmizdə etika istiqamətində fəaliyyət göstərən ilk məkan olduğunu diqqətə çatdırıb. O bildirib ki, akademiya peşəkar davranış qaydalarının öyrənilməsinin vahid bazasıdır. Ölkəmizdə həyata keçirilən uğurlu gənclər siyasətindən danışan G.İbrahimli gələcəkdə akademiyanın həyata keçirəcəyi layihələr barədə məlumat verib.
Qeyd edək ki, layihə çərçivəsində 9 müxtəlif ali və orta ixtisas müəssisələrinin (Azərbaycan Kooperasiya Universiteti, Bakı Biznes və Kooperasiya Kolleci, “Bakı Avrasiya” Universiteti, Bakı Sosial Pedaqoji Kolleci, “Təfəkkür” Universiteti, "Odlar Yurdu" Universiteti, Azərbaycan Dövlət İqtisad Universiteti, Azərbaycan Dövlət Rəssamlıq Akademiyası, Azərbaycan Turizm və Menecment Universiteti ) tələbələri arasında bilik olimpiadası keçirilmişdir.
Sonda 9 ali və orta ixtisas təhsil müəssisələrinin seçmə turlarında qalib gəlmiş 27 nəfər tələbə və final mərhələsində I, II və III yerləri tutan tələbələr təşkilatçılar tərəfindən diplom, medal və xatirə hədiyyələri ilə təltif olunmuşlar.
“Gənclərin Bilik Olimpiadası” başa çatdı
“Gənclərin Bilik Olimpiadası” başa çatdı
“Gənclərin Bilik Olimpiadası” başa çatdı


PATRIOT.AZ
 Oxunub: 308 


Oxşar xəbərlər:
Ən çox oxunanlar