Xəbər lenti
» » 19 yaşlı qızın intiharının səbəbi - “Nişanlına de ki, ya evlənsin, ya da...”

19 yaşlı qızın intiharının səbəbi - “Nişanlına de ki, ya evlənsin, ya da...”

Tarix: 30 may 11:48
19 yaşlı qızın intiharının səbəbi - “Nişanlına de ki, ya evlənsin, ya da...”


Dünən Hacıqabul rayonunda 19 yaşlı nişanlı qızın - Kifayət Ağayevanın intihar etməsinin səbəbləri açıqlanıb.

“PATRIOT”un məlumatına görə, Hacıqabul Rayon Prokurorluğundan Aznews.az-a bildirilib ki, intihara səbəb ailə-məişət zəminində baş vermiş hadisə olub:

“Qız evi istəyib ki, toy tez olsun. Amma oğlan hərbi xidmətə getmədiyindən və maddi imkanları aşağı olduğundan deyiblər ki, vəziyyət düzəlsin, toyu onda edərik. Qızın anası da deyib ki, get zəng elə, oğlana de ki, ya evlənsin, ya da nişanı qaytarırıq”.

Prokurorluqdan onu da bildiriblər ki, hazırda istintaq gedir: “Araşdırmada müəyyən olunsa ki, qızı intihara sürükləyən şəxslər var, onlar həbs olunacaq”.

Xatırladaq ki, mayın 28-də Hacıqabul rayonunda intihar hadisəsi qeydə alınıb. 1997-ci il təvəllüdlü Ağayeva Kifayət Vadar qızı yaşadıqları evin həyətindəki yardımçı tikilidə asılmış vəziyyətdə tapılıb.

Faktla bağlı Hacıqabul Rayon Prokurorluğu tərəfindən cinayət işi açılıb.


PATRIOT.AZ
 Oxunub: 243 


Oxşar xəbərlər:
Ən çox oxunanlar