İl boyu müştəri üzünə həsrət qalan avtomobil bazarındakı vəziyyətin növbəti ildən fərqli olacağı ilə bağlı fikirlər səsləndirilir.

Mütəxəssislərin verdiyi proqnozlara görə, ikinci əl avtomobillərin qiyməti yanvar ayından kifayət qədər artacaq.

Bazara gələn alıcılar da hazırda qiymətlərin qalxdığını qeyd edirlər.

Onlar bildirirlər ki, 23 min manat olan avtomobillər 17-18 min manat aralığına enmişdi, lakin hazırda həmin rəqəmlər artıma doğru gedir.

Hətta vurğulanır ki, xarici ölkələrdən, xüsusən də Koreyadan gətirilən avtomobillərin qiyməti də 1000-1500 ABŞ dolları artıb.