"Mingəçevir Dövlət Universitetində Gərginlik Yüksəlir: Kollektiv Prezidentə Müraciət Hazırlayır"
Mingəçevir Dövlət Universitetinin (MDU) müəllim və texniki işçİ heyəti rəhbərlikdən narazılıqlarını davam etdirir. Kollektiv iddia edir ki, tədris işlərindən kənar məsələlər universitetdə daha çox diqqət mərkəzindədir və bu, tədrisin keyfiyyətinə mənfi təsir göstərir.
İddialara görə, universitetin rektoru Anar Eminov təyin olunduqdan sonra özünə yaxın şəxsləri işə gətirib, bir sıra əməkdaşları isə vəzifələrindən azad edib. Etiraz edənlər bildirirlər ki, rektor buna irad bildirənlərə "Mən Cənab Prezidentin imzası ilə təyin olunmuşam, mənə heç kim heç nə edə bilməz" deyərək cavab verir.
Müəllim və texniki işçilərin sözlərinə görə, Anar Eminov universiteti şƏxsi obyekt kimi idarə edir, xoşuna gəlməyən əməkdaşları isə hüquq-mühafizə orqanları ilə hədələyir. Hətta universitetin giriş qapisında xidmət edən mühafizəçilərə göstəriş verildiyi bildirilir - narazı işçilər binaya buraxılmır və universitetin yaxınlığına gəlmələri əngəllənir.
Kollektiv, həmçinin, təyin edilməsindən qısa müddət keçməsinə baxmayaraq universitetin inkişafı üçün ayrılan milyonlarla vəsaitin aqibətinin qeyri-müəyyən olduğunu bildirir. Buna görə də narazılıqlar pik həddə çatıb və kollektivin yaxın günlərdə Ölkə başçısına müraciət edəcəyi gözlənilir
Hazırda müraciətdə göstərilən iddialarla bağlı araşdırmalar davam edir.
Qarşı tərəfin mövgeyini dərc etməyə hazırıq.[b][/b]
