Dünən Rusiyanın başına gələnlər göstərdi ki, NATO (bəlkə də artıq formalaşmış Avropa kvarteti) Moskvanı yeni görüş ərəfəsində yerin dibinə soxdu.

Bu sözləri beynəlxalq münasibətlər üzrə ekspert Əziz Əlibəyli deyib. Ukraynanın Rusiyaya genişmiqyaslı dron hücumlarından danışan ekspert bildirib ki, bu, artıq müharibə dövrü ərzində kollektiv NATO-nun ilk belə zərbəsi idi:

“Təşkilatçılıq, dronların xarakteri, cəbhə xəttindən 4 min km-dən başlayan uzaqlıq və nəticə.

Maraqlıdır ki, onlara bu işi görməkdə kömək edən rus TIR sürücüləri olub, nə apardıqları barədə isə heç bir fikirləri olmayıb (iddia).

Həqiqətənmi Rusiyanın 401 təyyarəsi elə aerodromda məhv edildi? Böyük ehtimalla, xeyr. Amma əsas məsələ savaşı uduzmaq üzrə olan Zelenskiyə Amerika dəstəyini göstərmək və bunun təbliğatını qurmaq üçün möhtəşəm bir material olub”.

Ə.Əlibəylinin sözlərinə görə, bu hücum NATO dövlətlərini risk altında qoyur:

“Və ən məşum hissə: Bu təyyarələr orada olmasını və görünməsini tələb edən bir müqavilənin hissəsidir.

Bu hücum birbaşa olaraq NATO-nun bütün dövlətlərini risk altına qoyur və Ukrayna ərazisini birbaşa nüvə ilə qisas üçün açır. Çünki bu, yalnız müqavilə səbəbi ilə "görünən" daşıyıcı nüvə silahının çatdırılması aktivlərinə hücumdur (yəni Rusiyada yerdə görünürsə, ABŞ-yə nüvə silahı zərbəsi endirmək üçün istifadə edilə bilməz).

Bu inam artıq tamamilə yox olub – bu hərbi vasitələr indi bu cür hücumlardan uzaqda bunkerlərdə gizlədiləcək. Beləliklə, indi onların istifadədə və oyunda olub-olmadığını təsdiqləmək üçün heç bir yol olmayacaq. Buna görə heç kim daha təhlükəsiz deyil.

Yəni bu hücum birbaşa NATO dövlətlərini təhlükə qarşısında qoyur və NATO bu ideyanı irəli sürən hər hansı bir gücü nəticədə dəstəkləyəcəkmi?
“New Start” və “Open Skies” adlı hər iki razılaşmadan tərəflər müvafiq qaydada 2020-ci ildən sonra çəkilsə də, gizli mətnin hələ də icarda olduğu iddia edilir”.

Ekspert deyib ki, Rusiya insayder əli ilə hələ də ABŞ-ni ittiham etməkdən qaçır:

“Onlara görə narkotik aludəçisi olan Zelenski bir piyondur (piyada - "peşka") və bu sırf Britaniya ilə Fransanın fəaliyyətinin nəticəsidir.

Bəs Rusiyanın bu hücumlarda istifadə etdiyi termin nədir? Qərb buna “rusların Pörl Harboru” deyir, amma Rusiya buna “dron hücumu” və ya “terror aktı” deməklə indilik məsələni dərinləşdirməməyə çalışır”.