İcra başçısı İlqar Abbasov və ətrafı tərəfindən 13 hektar ərazinin zəbt edilməsi məsələsi yenidən gündəmə gəlib 
Məlumata görə “Gəmi zavodu” deyilən ərazi ətrafında yerləşən 13 hektar torpaq sahəsinin Sabirabadlı qazinin adı ilə özəlləşdirilərək ələ keçirilməsi Prezident Adminstrasiyasında qəzəblə qarşılanıb. Şəhər icra başçısı İlqar Abbasov 13 hektar ərazinin ələ keçirilməsi məsələsinə görə çətin duruma düşdüyü bildirilir. 

Qeyd edək ki, “Gəmi zavodu” deyilən ərazi ətrafında yerləşən 13 hektar torpaq sahəsinin Sabirabadlı qazinin adı ilə özəlləşdirilərək ələ keçirilməsini ilə bağlı məlumatı ilk dəfə AzFakt.com saytı yayıb. Həmin məlumatda bildirmişdik ki, Şirvan icra başçısı İlqar Abbasovun köməkçisi və bacanağı Etibar Yolçiyevlə müavini Orxan İbrahimov vəzifə səlahiyyətlərindən sui-istifadə edərək “Gəmi zavodu” deyilən ərazi ətrafında yerləşən 13 hektar torpaq sahəsini Sabirabadlı qazinin adı ilə "özəlləşdirib"lər. Bu hadisədən bir müddət sonra Şirvan icra başçısı İlqar Abasov bacanağı Etibar Yolçuyevi köməkçi vəzifəsindən azad edərək, onun yerinə korrupsiyaya görə vəzifəsindən çıxarılan Barxudar Barxudarovu təyin edib. 

Məlumata görə Prezident Adminstrasiyasınnın 13 hektar ərazinin ələ keçirilməsi məsləsini araşdırmaya götürməsindən sonra İlqar Abbasov məcburən bacanağı Etibar Yolçuyevi köməkçi vəzifəsindən çıxarıb.  

Məsələ ilə bağlı Şirvana icra hakimiyyətinin mövqeyini dərc etməyə hazırıq.