Hər şeyə pul tapan başçıdan Şəhidin ruhuna SAYĞISIZLIQ - Elə "Şuşa" restoranından aldıqları bəs edər ki...
"Şəhid Muradxanov Azad Bayram oğlunun adına 1994-cü ildən indiyədək tədbir keçirilməyib..." "DİA-AZ" xəbər verir ki, bunu öz etirazında Səbail rayon Qaziləri adından danışan Ağalarov Cavid Hikmət oğlu ifadə edib.
"Şəhidin adına bulaq üçün yerli dairələr icazə vermilər" deyə fikrini davam etdirən narazı vətəndaş daha sonra bildirir: "Şəhidimizin yaşadığı küçədə adlı xatirə lövhəsi yoxdur. Çox narahatıq və bunu şəhidimizin ruhuna sayğısızlıq kimi qəbul edirik.
Səfələrlə Abşeron rayon icra hakimiyyətinin yetkililərinə - icra başçısının müavinləri Gulnar Rəhimovaya, Yusif Sadıqova, İlkin Əsədova müraciət etmişik... Abdin Fərzəliyevə müraciətlər etməkdən yorulmuşuq. Bu məmurların işi-gücü ancaq narazılıq yaratmaqdır. Biz qanunla şəhidimizin adının bədiləşdirilməsini tələb edirik"
Qeyd edək ki, Abidin Fərzəliyev 20 ildən artıqdır ki, ayrı-ayrı rayonlara rəhbərlik edib və Abşerona qədər Bakının Nərimanov rayonunda başçı olub. Onun Nərimanovda satmadığı yerin qalmaması iddiaları isə zaman-zaman yerli KİV-in bəzəyinə çevrilib...
Elə son olaraq məşhur "Şuşa" restoranı ilə bağlı yaranmış qalmaqalda da Abidin Fərzəliyevin iştirakı şəkksizdir. Hər halda kimsə rayonun başçısının xəbəri olmadan hansısa obyektə saxta sənəd vermək cəsarətində və niyyətində olmaz...
Yəni Abidin Fərzəliyev elə büdcədən - dövlətdən, millətdən oğurladıqları hesabına imkanlıdır ki, şəhidlərimizin adını əbədiləşdirsin...
Nə isə... Biz yenə də onun bu yöndə tərpənəcəyinə ümid edirik...
Məsələ diqqətimizdədir...
