Əsədin Dəməşqdə süqutundan sonra İsrail ordusu Colan (Qolan) təpələri üzərindən hərəkətə keçərək Suriyada daha 9 kəndi işğal edərək paytaxt Dəməşqin 20 kilometrliyinədək yaxınlaşıb.

"Al Mayadeen" telekanalı xəbər verir ki, İsrail tankları bufer zonasını keçərək Suriyanın cənubundakı Katana qəsəbəsi yaxınlığında yerləşdirilib.

Qəsəbə Dəməşqdən 21 km aralıda yerləşir.

Dəməşqin alınmasından sonra İsrail ordusu illər əvvəl işğal etdiyi Colan təpələrindən Suriyaya doğru irəliləməyə başlayıb.

İsrail Hərbi Hava Qüvvələri Suriya ordusuna məxsus hərbi hədəfləri də məhv edib.

İsrail qırıcıları Suriyada hakimiyyət dəyişikliyindən sonra 250-dən çox hərbi obyektə zərbələr endirib.

İsrail ordusunun "Galei IDF" radiosunun mənbəsi baş verənləri İsrail Hərbi Hava Qüvvələrinin tarixindəki ən böyük hücum əməliyyatlarından biri adlandırıb.