"Vətən Müharibəsi Əlillərinə Kömək" İctimai Birliyinin təşkilatçılığı ilə Novamed Tibb Mərkəzində Ukraynadan dəvət olunmuş həkim ekspertlər tərəfindən 40-a yaxın qazimiz müayinə olunub.

Demokrat.az xəbər verir ki, qazilərin tibbi müayinələri, həkim qəbulu, laborator analizlər və digər bütün tibbi xidmətlər pulsuz təşkil olunub.

Tibbi müayinə aksiyasında Vətən Müharibəsi Əlillərinə Kömək İctimai Birliyinin idarə heyəti, klinkanın rəhbər və tibbi personalı fədakarlıqla iştirak edərək çıxş ediblər.

Tibbi aksiyada çıxış edənlər bildiriblər ki, birlik tərəfindən davamlı olaraq şəhid ailələrinə və qazilərə bu cür tibbi əhəmiyyətli dəstəyi həyata keçirməkdə əsas məqsəd ölkəmizin həssas təbəqəsinin sağlamlığının vacibliyini düşünərək dövlət başçısı cənab İlham Əliyevin və Birinci vitse-prezident Mehriban xanım Əliyevanın şəhid ailələri və qazilərin sağlamlığının daha da yaxşılaşdırılması istiqamətində həyata keçirdikləri uğurlu fəaliyyətə ictimai təkan olmaqla yanaşı tibbi dəstək göstərməkdir.