8-03-2021, 09:40
Məhəmməd Salah "Liverpul"u tərk edə bilər

Məhəmməd Salah "Liverpul"u tərk edə bilər


Misir yığmasının futbolçusu Məhəmməd Salah İngiltərənin "Liverpul" klubunu tərk edə bilər.
29 yaşlı hücumçunun "qırmızılar"ın baş məşqçisi Yurgen Klopp ilə münasibətləri korlanıb.

Almaniyalı mütəxəssis "Çelsi"yə 0:1 hesabı ilə uduzduqları Premyer Liqanın XXVII tur matçının 61-ci dəqiqəsində Salahı əvəzləyib. Bu isə təkcə futbolçunun deyil, agenti Abbas İssa Reminin narazılığı ilə qarşılanıb. Remi tvitter hesabında "nöqtə" paylaşıb.

Salahı İspaniyanın "Barselona" və Almaniyanın "Bavariya" klubları istəyirlər. Forvardın özü də nə vaxtsa İspaniyanın ən güclü klublarından olan "Real Madrid" və ya "Barselona"ya keçəcəyini istisna etməyib. O, eyni zamanda "Liverpul"da mümkün qədər çox oynamaq niyyətində olduğunu açıqlayıb.

Qeyd edək ki, Məhəmməd Salah 2017-ci ildən "qırmızılar"ın heyətində yer alır. Onun hazırkı müqaviləsi 2023-cü ilin yayınadəkdir.
Ctrl
Enter
Mətndə səhv varsa Ctrl+Enter düyməsini sıxın