28-11-2020, 13:22
Makron: Zorakılıq edən polislərimiz bizi biabır edir

Makron: Zorakılıq edən polislərimiz bizi biabır edir


Fransa prezidenti Emmanuel Makron bu yaxınlarda polis tərəfindən qaradərili fransızın döyülməsini pisləyib və hökumətdən əhali arasında hüquq-mühafizə orqanlarının əməkdaşlarına etibarın artırılması üzrə təkliflər irəli sürməyi tələb edib.

O, bununla bağlı fikirlərini özünün feysbukdakı səhifəsində yazıb.

"Mişel Seklerə hücum kadrları, hansılar ki, hamımız gördük - qəbuledilməzdir. Onlar bizi biabır edirlər, - o feysbukda yazıb.

“Hökumətdən fransızlar və onları müdafiə edənlər arasında etimad zəncirinin mövcud olmasını təsdiqləmək və hər cür ayrı-seçkiliklə daha təsirli mübarizə aparmaq üçün dərhal təkliflər verməsini xahiş edirəm”, - o deyib.

Fransa lideri bildirib ki, hakimiyyət nifrət və irqçiliyin çiçəklənməsinə imkan verməməlidir. O, bəzi asayiş keşikçilərinin zorakılığının qəbuledilməz olduğunu deyib.

Qaradərili prodüser Seklerlə bağlı hadisə 21 noyabrda olub. O, koronavirus pandemiyası ilə əlaqədar Fransada qüvvədə olan sanitar normaları pozaraq küçədə maskasız gəzib. Polis maşınını görən kişi cərimədən qaçmaq üçün öz studiyasında gizlənməyə çalışıb. Ancaq polis əməkdaşları onu izləyiblər. Onlar binaya girərək Sekleri döyməyə və təhqir etməyə başlayıblar.
Ctrl
Enter
Mətndə səhv varsa Ctrl+Enter düyməsini sıxın