14-08-2020, 09:31
Ata oğlunu güllələdi — Göygöldə dəhşət

Ata oğlunu güllələdi — Göygöldə dəhşət


Göygöl rayonunda oğlunu odlu silahla qətlə yetirməkdə təqsirli bilinən Yaşar Bayramovun cinayət işi üzrə ibtidai istintaq başa çatıb.
Cinayət işinin materialları baxılması üçün Gəncə Ağır Cinayətlər Məhkəməsinə göndərilib.

Cinayət işi hakim Xaqani Səmədovun icraatına verilib.

İş üzrə hazırlıq iclası avqust ayının 27-nə təyin olunub.

Qeyd edək ki, hadisə yanvar ayının 1-də rayonun Nadel kəndində baş verib.
Kənd sakini, 1950-ci il təvəllüdlü Yaşar Qəmbər oğlu Bayramov oğlu - 1978-ci il təvəllüdlü Mahir Bayramovu taxıl sahəsində ov tüfəngindən 2 dəfə atəş açaraq qətlə yetirib.

O, hadisə yerindən qaçsa da, əməliyyat axtarış tədbirləri nəticəsində polis əməkdaşları tərəfindən saxlanılaraq Bakıda istintaqa təhvil verilib.

Hadisəyə uzun müddət tərəflər arasında mübahisəyə səbəb olan evin M.Bayramov tərəfindən yandırılması səbəb olub.

Y.Bayramova Cinayət Məcəlləsinin 120.1-ci (qəsdən adam öldürmə) maddəsi ilə ittiham verilib.
Ctrl
Enter
Mətndə səhv varsa Ctrl+Enter düyməsini sıxın