Bakı Konqres Mərkəzində "İrimiqyaslı idman yarışlarının keçirilməsinin ölkəyə faydaları" adlı beynəlxalq konfrans işə başlayıb.

4-cü dəfə keçirilən tədbir "İdman və Şəhər" mövzusuna və Bakıda 5-ci dəfə keçiriləcək "Formula 1" üzrə Qran-priyə həsr olunub.

Mərasimdə gənclər və idman naziri Azad Rəhimov, "Formula 1" Şirkətlər Qrupunun Baş İcraçı Direktoru və sədri Çeyz Keri, Bakı Şəhər İcra Hakimiyyətinin başçısı Eldar Əzizov, AFFA-nın baş katibi və İcraçı vitse-prezidenti Elxan Məmmədov iştirak edir. 

Tədbiri  Bakı Şəhər Halqasının Marketinq və Kommunikasiya şöbəsinin rəhbəri Nigar Arpadarai çıxışı ilə açıq elan edib. Daha sonra isə Bakı Şəhər Halqası Əməliyyat Şirkətinin icraçı direktoru Arif Rəhimov görülən işlərlə bağlı məlumat verib. 

“Formula 1" üzrə Azərbaycan Qran-prisi ilə əlaqədar hər il ölkədə 10 min yeni iş yeri açılır",- deyə o, bildirib.

 Hazırda isə Azad Rəhimov çıxış edir.