Dekabrın 12-də rayonun Heydər Əliyev parkında müasir demokratik Azərbaycan dövlətinin xilaskarı və qurucusu, dahi şəxsiyyət Heydər Əliyevin anım günü münasibətilə ümumrayon anım mərasimi keçirilib.
Kürdəmir Rayon İcra Hakimiyyətinin Başçısı Ceyhun Cəfərov, hüquq-mühafizə orqanlarının rəhbərləri, idarə, müəssisə, təşkilat rəhbərləri, veteranlar, rayonun əmək kollektivlərinin üzvləri, ictimaiyyət nümayəndələri və rayon sakinləri Ümummilli Lider Heydər Əliyevin abidəsi önünə gül dəstələri düzüblər.
Tədbirdə iştirak edən minlərlə kürdəmirlilər Ulu Öndərin abidəsi önünə gül-çiçək dəstələri düzməklə ona olan məhəbbətlərini və ehtiramlarını bir daha nümayiş etdirdilər.
Ulu Öndərin xatirəsini yad etmək üçün gələn hər kəsin dilində bir fikir səslənir-Nə qədər ki, Müstəqil Azərbaycan Dövləti var, Azərbaycan Xalqı var, Heydər Əliyev ürəklərdə yaşayacaq.
Həmin gün şəhərin “Elşad” sarayında Azərbaycan xalqının Ümummmilli Lideri Heydər Əliyevin əziz xatirəsinin yad olunması məqsədi ilə rayon ictimaiyyətinin nümayəndəlrinin – ümumilikdə 500 nəfərin iştirakı ilə ehsan süfrəsi təşkil olunub.