20-11-2019, 15:02
TƏCİLİ!!! Mirdamət Sadıqov İsmayıllını talayır - İttiham »

TƏCİLİ!!! Mirdamət Sadıqov İsmayıllını talayır - İttiham »



İsmayıllı rayon İcra Hakimiyyətinin başçısı Mirdaməd Sadıqovun yaxın günlərdə vəzifədən uzaqlaşdırılacaq.

Bu barədə mötəbər mənbə məlumat verir.

Məlumata görə son illər İsmayıllı rayonunda iqtisadi geriləmənin olması, rayon əhalisinin sosial vəziyyətlərinin sürətlə pisləşməyə doğru getməsi artıq hakimiyyətin yuxarı instansiyalarını hərəkətə keçirib. Mirdaməd Sadıqovdan əvvəl İsmayıllıya rəhbərlik edən Nizami Ələkbərovun vaxtında rayon əhalisinin sadə təbəqəsi məzlum günündə yaşayırdısa, indi İsmayıllının qismən imkanlı təbəqəsi-iş adamları da rayon rəhbərliyinin ucbatından səfil gününə düşüblər.

Professordur. Uzun illər rektor işləyib. Amma adı milyon manat qalmaqallarında, rüşvətxorluqda, özbaşınalıqda, brilyant biznesində hallanır. Hətta rəhbəri olduğu rayonun sakinlərini təhdid, təhqir etməkdən də çəkinmir. Söhbət İsmayıllı Rayon İcra Hakimiyyətinin başçısı Mirdamət Sadıqovdan gedir.

Bu rayonda problemlər hədsizdir, sakinlər onların həllinə ümidi itiriblər. Ölkənin bu cənnət məkanında insanlar cəhənnəm əzabı çəkir

Azərbaycanın cənnət məkanlarından biri olan İsmayıllıda təbiətin gözəlliyindən fərqli olaraq əhalinin durumu cəhənnəmi xatırladır. 2013-cü ilin yanvar ayındakı məlum olaylardan sonra rayonun icra başçısı Nizami Ələkbərov vəzifəsindən azad edildi. Onun yerinə İsmayıllıdan olan professor Mirdaməd Sadıqov gətirildi.

Düşünülürdü ki, rayona yerli bir nəfərin başçı qoyulması mövcud problemləri aradan qaldıracaq. Lakin Mirdaməd Sadıqovun bu müddət ərzindəki fəaliyyəti bunun tam əksini sübut edir. Sakinlərin sözlərinə görə, M.Sadıqov sadəcə təyinatının ilk aylarında vətəndaşlarla görüş keçirib, onları narahat edən məsələləri dinləyib. Amma qısa müddət sonra yeni gələn bütün başçılar kimi, qolunu çirməyib, rüşvət yığımına başlayıb.

Verilən vədlər yerindəcə qalır!

Şikayətçi olan rayon sakinləri bildirir ki, başçı özünü göstərmək üçün fevral və mart aylarında bir neçə dəfə sakinlərlə görüş keçirdi. Vəd verdi ki, problemlər zamanla həllini tapacaq. Amma rayon rəhbəri verdiyi sözü tutmayıb. Rayondakı sosial problemlərin böyük hissəsi hələ də qalır.

Professorla “brilyant Sevanın” biznesi

Bakıda, eləcə də Yasamalda məşhur olan Sevda adlı qadın var. “Sələm Seva”, “brilyant Seva” adı ilə tanınır. Əldə etdiyimiz məlumata görə, Mirdamət Sadıqovun brilyant biznesini Seva idarə edir: “Professorun brilyant biznesi var. İdarəsini Sevaya həvalə edib. Seva bu işlərdə professionaldır. Nə pulun, nə də brilyantın, eləcə də qızılın dəyərinin ölməsinə imkan vermir. Pul verir qızıl brilliant alır. Əvvəllər özü üçün məşğul idi bu işlərlə. İndi professor üçün işləyir. Sələm verir, qızıl alır. Briliant satışı ilə məşğul olur”.

“Tez-tez qəbuluma gəlməyin, ürəyim xəstədir”

Kənd sakinləri Mirdamət Sadıqovdan narazıdı. Mənbə bildirir ki, ikayətçilərlə kobud davranana başçı, onları ələ salmaqdan da çəkinmir:”Rayona başçı təyin olunandan bütün görüşlərində, tədbirlərində milyonlardan danışır. Amma ortada heç nə yoxdur. Bizlər bu milyonlardan heç bir fayda görə bilmirik. Ancaq başçının bütün yaxın ətrafı az müddətdə varlanıb, yüksək imkan sahibi olub. Mirdamət Sadıqovdan soruşuram: bu milyonlar ayrılıbsa, hanı, ayrılmayıbsa, bu yalanları kimə deyirsiniz? Mirdamət müəllimə deyirəm ki, evim uçur, o da yanında oturan məmurlara göz vurub mənə bankada dərman təklif edir. Ona söz deyən kimi deyir ki, tez-tez qəbula gəlməyin, ürəyim xəstədir. Xəstəsinizsə, bu vəzifədə nə işiniz var? Işləyə bilmirsiniz, əl çəkin, qoyun bacaranlar işləsin. Insanların qarnı yalanla doymur, onlara iş, çörək, dərdinə əlac edən rəhbər lazımdır, ay hörmətli müəllim”.

Mirdamət Sadıqov xərac toplayır

Hər kəsə yaxşı məlumdur ki, İsmayıllı turizmi inkişaf edən ən səfalı yerlərdəndir. Burada xeyli istirahət mərkəzləri fəaliyyət göstərir. Məlumatlı mənbə bildirir ki, Mirdamət Sadıqov bu mərkəzlərə əl qoyub. Beləki, hər bir istirahət mərkəzinin sahibindən xərac tələb edir: “Başçı adamların göndərib deyir ki, gəlirimizin yarısını ona göndərməliyik. Əks halda bağladırmaqla hədələyir. Yayda sezon açıldığı üçün günümüzü qara edir. Bəzən az qalırıq o biri başçıya şükür edək. Amma ikisinin də bir-birindən fərqi yoxdur. Hansı gəlirsə rayonu talamaqla məşğul olur. Fikirləşdik ki, Mirdamət Sadıqov ziyalıdır, yəqin ki, camaatı ağ günə çıxardar, amma günümüz qaradır”.

Bu faktın özü İsmayıllı rayonunda rüşvət və korrupsiya faktının və həm də İcra Hakimiyyətinin başçısının rayona nəzarət edə bilməməsinin bariz nümunəsidir.

Qarşı tərəfin mövqeyini dinləməyə hazırıq.
Ctrl
Enter
Mətndə səhv varsa Ctrl+Enter düyməsini sıxın