Xəbər lenti
» » “Sabah səfərbərlik də elan oluna bilər”

“Sabah səfərbərlik də elan oluna bilər”

Tarix: 07 aprel 12:39
“Sabah səfərbərlik də elan oluna bilər”















Aprel döyüşlərinin dayandırılmasından bir il ötür. Cəmiyyətdə aprel döyüşlərinin dayandırılması ilə bağlı birmənalı fikir yoxdur. Bəziləri belə hesab edir ki, bu döyüşlər dayandırılmasaydı, Azərbaycan ordusu hətta Xankəndinə qədər gedib çıxa bilərdi. Bəziləri isə bu qənaətdədir ki, döyüşlər dayandırılmasaydı, Azərbaycan Rusiyanın və yaxud NATO-nun hərbi müdaxiləsi ilə üzləşəcəkdi.
Moderator.az məsələnin sırf hərbi tərəfi ilə bağlı Azərbaycan Silahlı Qüvvələrinin Hərbi Akademiyasının təlim-tədris hissəsinin sabiq rəisi, ehtiyatda olan polkovnik Şair Ramaldanovun fikirlərini öyrənib.
Şair Ramaldanov bildirib ki, aprel döyüşləri hücum deyil, əks-hücum əməliyyatı idi, bu səbəbdən deyilənlərin heç bir əsası yoxdur:
“Aprel döyüşləri haqqqında ətraflı məlumat verilib. Deyilən fikirlər isə əsasızdır. Ona görə ki, aprel döyüşləri hücum əməliyyatı deyildi, əks-hücum əməliyyatı idi. Ermənilər geniş təxribata əl atmaq istəyirdilər, Azərbaycan ordusu isə onların cavabını artıqlaması ilə verdi. Aprel döyüşlərində qarşıya vəzifə qoyulmamışdı ki, işğal olunmuş Azərbaycan torpaqlarının hamısı azad olunsun. Hazırda da lazım gəlsə, geniş miqyaslı əməliyyatlar aparmaq üçün tədbilər görülə bilər, o tədbirləri müəyyən şəkildə əhali də hiss edər. Hamı bilir ki, sabah səfərbərlik də elan oluna bilər. Aprel döyüşlərinin əsas nəticəsi o oldu ki, biz bir sınaq yaşadıq. Təlimlərdə yox, döyüşdə döyüşə aid şeyləri sınaqdan keçirdik. Digər tərəfdən ən böyük sınaq bizim cəmiyyət üçün oldu. Cəmiyyət birlik nümayiş elətdirdi. Müxalifət-iqtidar sözü olmadı. Bizim gənclərin Qarabağda döyüşlərə olan münasibətini gördük. Bütün cəmiyyət prezidenti dəstəkləyərək birlik nümayiş etdirdi. Aprel döyüşlərində növbəti iri miqyaslı hücum əməliyyatının təməli qoyuldu. Ancaq dediyim kimi, tapşırıq tam başqa tapşırıq idi. O tapşırığı da bizim birləşmələrin hərbi hissələri yerinə yetirdilər”.

 Oxunub: 85 


Oxşar xəbərlər:
Ən çox oxunanlar